Sonntag, 30. August 2009
die ersti wuchä in turku
hallo zäme!
es gfallt mir super da obä!! ich bi nonig mal 1 wuchä da und ha sgfühl es seg scho mindestens 1 monat, will ich scho so viel lüt kenneglernt ha und so viel gse ha.
die wuchä hani paar netti lüt kenneglernt. bi jez meistens mit dä zwei französinne wo nöd so guet englisch chönd (justine und emeline) und zwei tscheche (ondra und kuba=abkürzig für jakub) zäme und mängisch isch no ä türkin däbi woni mir dä nami leider nöd cha merke:-).
nach 3 täg orientation-courses hemer am fritig abig die erst party gfiiret. mini tutorin und ihre finnisch kolleg ilpo (was für en name:-)) sind au mit cho und mir hend zerst i minere chuchi vorgfiiret (Das macht mär da so, wills i dä clubs viel ztür isch au nur es bier ztrinke) und sind denn id stadt gfahre. will ich immerno keis velo ha, han ich netterwis dörfe bi öperem hinä druf sitze, wobi mir jez immerno alles weh tuet dävo:-)! d'party isch super gsi. d'irene (tutorin) und dä ilpo hend vo afang a tanzt und stimmig gmacht. bi jetzt hani sowieso no kei verschlossni und eigenartigi finne kenneglernt, aber viellicht chunt das ja no:-). justine,emeline,ondra und kuba sind au däbi gsi.
mit ihne und no paar anderne bini denn au gester an strand und hüt uf ä insle - ruissalo - direkt nebed turku, wo mär mitem bus chan anä. swetter isch gester morge no ganz wüäst gsi, aber det hani ja sowieso gschlafe und sit gester namittag ischs richtig schöns herbstwetter. nachdem mir oises badzüg gester nöd mitgno hend, hemers hüt däbi gha und denn au tatsächlich brucht. womer an strand cho sind, isch es so chalt gsi, dass d'justine und ich fast verfrohre sind aber am namittag ischs schöner worde. drum simer denn go bade, wills wetter glaub nüm wärmer wird im september:-). es isch nöd mal so kalt gsi wie ich gmeint ha. fast wärmer als dluft hani sgfühl gha!
i mim stock sind immernonig viel me lüt izoge. und viel vo däne wo da wohned ziend hüt oder morn wieder us, wills nur für so en intensiv-sprachkurs da gsi sind. nebed mir isch jez no en nette spanier izoge, wo no nie i sim lebe selber sini wösch gwäsche het:-), aber sust hani nonig viel lüt atroffe. ich glaub am 1.9. sötted denn die neue cho, ich hoff es sind paar netti däbi, will da immerno chli tote hose isch.
wenn d'uni afangt hani leider nonig ganz usägfunde. erstens sind immer nonig all stundeplän ufgschaltet und usserdem weisi gar nonig gnau was ich jetzt alles söll belege, will so vieles woni eigentli ha wele belegge abgseit worde isch und so viel neus däzu cho isch. es git da au recht viel online-kürs wo mär gar nöd id vorlesig muess, viellicht nimm ich au no paar vo däne. und es paar sache fanged erst ende oktober a.
ich ha leider immer nonig usägfunde wie das mit dä föteli gaht oder wie ich es richtigs album cha mache, aber ich tue eifach mal es paar in en neue itrag inä.
meme für dich tueni da no es föteli vodä mumins inä:-)!
liebi grüäss und bis bald
es gfallt mir super da obä!! ich bi nonig mal 1 wuchä da und ha sgfühl es seg scho mindestens 1 monat, will ich scho so viel lüt kenneglernt ha und so viel gse ha.
die wuchä hani paar netti lüt kenneglernt. bi jez meistens mit dä zwei französinne wo nöd so guet englisch chönd (justine und emeline) und zwei tscheche (ondra und kuba=abkürzig für jakub) zäme und mängisch isch no ä türkin däbi woni mir dä nami leider nöd cha merke:-).
nach 3 täg orientation-courses hemer am fritig abig die erst party gfiiret. mini tutorin und ihre finnisch kolleg ilpo (was für en name:-)) sind au mit cho und mir hend zerst i minere chuchi vorgfiiret (Das macht mär da so, wills i dä clubs viel ztür isch au nur es bier ztrinke) und sind denn id stadt gfahre. will ich immerno keis velo ha, han ich netterwis dörfe bi öperem hinä druf sitze, wobi mir jez immerno alles weh tuet dävo:-)! d'party isch super gsi. d'irene (tutorin) und dä ilpo hend vo afang a tanzt und stimmig gmacht. bi jetzt hani sowieso no kei verschlossni und eigenartigi finne kenneglernt, aber viellicht chunt das ja no:-). justine,emeline,ondra und kuba sind au däbi gsi.
mit ihne und no paar anderne bini denn au gester an strand und hüt uf ä insle - ruissalo - direkt nebed turku, wo mär mitem bus chan anä. swetter isch gester morge no ganz wüäst gsi, aber det hani ja sowieso gschlafe und sit gester namittag ischs richtig schöns herbstwetter. nachdem mir oises badzüg gester nöd mitgno hend, hemers hüt däbi gha und denn au tatsächlich brucht. womer an strand cho sind, isch es so chalt gsi, dass d'justine und ich fast verfrohre sind aber am namittag ischs schöner worde. drum simer denn go bade, wills wetter glaub nüm wärmer wird im september:-). es isch nöd mal so kalt gsi wie ich gmeint ha. fast wärmer als dluft hani sgfühl gha!
i mim stock sind immernonig viel me lüt izoge. und viel vo däne wo da wohned ziend hüt oder morn wieder us, wills nur für so en intensiv-sprachkurs da gsi sind. nebed mir isch jez no en nette spanier izoge, wo no nie i sim lebe selber sini wösch gwäsche het:-), aber sust hani nonig viel lüt atroffe. ich glaub am 1.9. sötted denn die neue cho, ich hoff es sind paar netti däbi, will da immerno chli tote hose isch.
wenn d'uni afangt hani leider nonig ganz usägfunde. erstens sind immer nonig all stundeplän ufgschaltet und usserdem weisi gar nonig gnau was ich jetzt alles söll belege, will so vieles woni eigentli ha wele belegge abgseit worde isch und so viel neus däzu cho isch. es git da au recht viel online-kürs wo mär gar nöd id vorlesig muess, viellicht nimm ich au no paar vo däne. und es paar sache fanged erst ende oktober a.
ich ha leider immer nonig usägfunde wie das mit dä föteli gaht oder wie ich es richtigs album cha mache, aber ich tue eifach mal es paar in en neue itrag inä.
meme für dich tueni da no es föteli vodä mumins inä:-)!
liebi grüäss und bis bald
Mittwoch, 26. August 2009
Mis neue Dihei!
irgendwie tscheggis nonig so mit däne föteli. jedefalls isch s'oberste mis hus im studentvillage vo vorne. mis zimmer isch ganz rechts usse im 1. stock. ufem zweite bild isch dä igang. det gseht mär au die wunderschön archtiektur wo sich dur s'ganze dorf zieht:-)! denn sind zwei föteli vo mim zimmer. ufem zweite gseht mär no is vorrümli wo denn links no duschi/wc rümli isch. und s'letzte föteli isch vo oisem gang. ich glaub mir sind 10 lüt, aber ha immerno erst 4 anderi gse. uf dä rechte site isch denn en grosse rum mit chuchi und gmeinsamem ufenthaltsrum. dä hani nonig gfötelet. eigentli hani hüt abig zerst mit paarne wele in usgang s'erst mal. aber jez hets so agfange schiffe und gwittere, dasi nüm usä mag, will ich eh scho am frühre bin. vilicht sötti denn gli mal d'sauna wo anschinend i oisem hus isch usprobiere :-)! hyvää yötä!
Dienstag, 25. August 2009
ersti iidrück
hallo zäme!
nacheme stressige endspurt in züri bini gester via riga uf turku gfloge und ha scho im flugzüg die erste erasmus-studente gse und die erste begegnige mit finne gmacht. dä nebed mir isch ganz nett und gsprächig gsi - unerwarteterwis. däfür het dä vor mir sim ruf alli ehr gmacht und unter gar kei umständ wele sin sitz mitere studentin tusche, will er het wele uf sim eigne sitz sitze, wenns flugi abstürtzt oder so.. ha denn scho die erst französin kenneglernt, wo au geographie studiert in turku und wo beruhigenderwis no viel schlechter englisch het chönä als ich:-).
mini tutorin hetmi denn mitem auto abgholt und direkt zu mim zimmer im studentvillage gfahre. sie het vorher extra für mich mis startingpackage abgholt, damiti nöd ha müssä ohni decki und chüssi schlafe. das isch ä grossi plastikbox mit allem wo mär brucht. 1 löffel, 1 messer, 1 gable, 1 tasse, 1 glas, 1teller, 1chelle, 1schöpflöffel, 1brotmesser, 1pfanne, 1 chüssi, 1 decki. min nachbar hets erst hüt gholt und müssä ohni decki schlafe, drum hani also no glück gha. gester ischs da no zimli usgstorbe gsi. uf mim gang hani nur en komische hippie mit lange haar und glogge-hose atroffe. däbi wohned da uf mim stock glaub 10 oder 12 lüt wo sich 1 chuchi teiled.
hüt hani denn mit minere tutorin am 10i abgmacht und alles mögliche erledigt. mietvertrag, internet, uni-ischribig, bankkonto, sim-karte fürs finnische handynetz, bettzüg kauft (finnisch: pussilakanapakkaus) und so witer. sie isch sehr nett und kümmeret sich super um mich und en andere student. dä studiert au geographie und chunt us dä USA, woner i sim ganze lebe bis jetzt no nie usä cho isch. drum ischer im moment au no chli überforderet...
mis zimmer isch öpä 18qm gross, hell und het es eiges wc-duschi und vorrümli. isch sehr suber gsi, was mini tutorin nöd selbstverständlich gfunde het und het en grosse schrank, en kühlschrank (wo so lut isch, dasi zerst nöd ha chönä schlafe, aber immerhin:-)), äs regal, 2 stühl, es kommödli und es bett. chamer sich also würkli nöd beklage. usserdem hani s'zimmer ganz am rand vom hus und hoff drum ha chli ruäh. vo usä isches nöd grad ä augeweid, aber no eis vodä schönere. die wo d'finne drin wohned hend fast all zimmer en balkon und sind viel grösseri, däfür au türeri zimmer. grad nebed mim hus isch no en supermärt und es pub. 4 büs fahred vom zentrum regelmässig da hi und zfuess ischs öpä 5-10 minute zudä uni und ca 15-20 is zentrum. ich wird wahrschinli glich no probiere es occasionvelo zkaufe, will das da fast all lüt hend unds sicher praktisch isch - minestens bis dä erst schnee chunt:-).
vorher bini nomal id chuchi. scho wieder niemer det gsi die erst viertel stund. denn isch denn en dütsche cho wo erst 20i isch. he speaks schöärmän wis se really nice schöärmän accent. drum hani denn zerst dütsch mit ihm gredet. aber er het gmeint ich redi schwizerdütsch, drum hani jez glich wieder uf englisch gwechslet. nacher isch no ä ungarin cho, die reist aber am mäntig wieder ab. und denn wohnt no en ungar da wo anschinend immer sin spanische kolleg uf bsuech het, will i dem sim hus niemer id chuchi gaht. die sind all nett und chönd sogar choche. bi also optimistisch, dases sich da guet lebe laht.
turku gfallt mir sowit ganz guet. viel hani nonig gse, aber es lit amne schönä fluss und wemer ganz abä wür laufe au am meer. det bini aber nonig gsi. vo det fahred au fähre uf die viele schäreinsle und uf stockholm. vom flugzüg us hets zumindest scho mal sehr schön us gse mit 1000ige vo chline inseli.
ab morn han ich 3 täg orientation course mit dä erste party am fritig abig. det sötti denn mal no chli meh lüt kenne lerne. nächst wuchä fangt denn sowit ich weiss d'uni a. aber will ich glaub paar online-kürs ha und paar sache erst im november stattfindet, wird ich da glaub nöd so viel ztue ha und gnueg zit für usflüg ha. für dä finnisch kurs hani mi au scho agmeldet. im moment bini da ja no eher chli hoffnigslos. cha fäng öpä 4 wörter, aber das isch immerhin en afang.
so, das ischs für dä moment. ich probier denn mal no paar föteli da ufä zlade und schrib ab und zu öpis inä. kei angst, bald hani nüm so viel zit wie jetzt:-).
Liebi Grüäss usem höche norde
moi moi
simone
nacheme stressige endspurt in züri bini gester via riga uf turku gfloge und ha scho im flugzüg die erste erasmus-studente gse und die erste begegnige mit finne gmacht. dä nebed mir isch ganz nett und gsprächig gsi - unerwarteterwis. däfür het dä vor mir sim ruf alli ehr gmacht und unter gar kei umständ wele sin sitz mitere studentin tusche, will er het wele uf sim eigne sitz sitze, wenns flugi abstürtzt oder so.. ha denn scho die erst französin kenneglernt, wo au geographie studiert in turku und wo beruhigenderwis no viel schlechter englisch het chönä als ich:-).
mini tutorin hetmi denn mitem auto abgholt und direkt zu mim zimmer im studentvillage gfahre. sie het vorher extra für mich mis startingpackage abgholt, damiti nöd ha müssä ohni decki und chüssi schlafe. das isch ä grossi plastikbox mit allem wo mär brucht. 1 löffel, 1 messer, 1 gable, 1 tasse, 1 glas, 1teller, 1chelle, 1schöpflöffel, 1brotmesser, 1pfanne, 1 chüssi, 1 decki. min nachbar hets erst hüt gholt und müssä ohni decki schlafe, drum hani also no glück gha. gester ischs da no zimli usgstorbe gsi. uf mim gang hani nur en komische hippie mit lange haar und glogge-hose atroffe. däbi wohned da uf mim stock glaub 10 oder 12 lüt wo sich 1 chuchi teiled.
hüt hani denn mit minere tutorin am 10i abgmacht und alles mögliche erledigt. mietvertrag, internet, uni-ischribig, bankkonto, sim-karte fürs finnische handynetz, bettzüg kauft (finnisch: pussilakanapakkaus) und so witer. sie isch sehr nett und kümmeret sich super um mich und en andere student. dä studiert au geographie und chunt us dä USA, woner i sim ganze lebe bis jetzt no nie usä cho isch. drum ischer im moment au no chli überforderet...
mis zimmer isch öpä 18qm gross, hell und het es eiges wc-duschi und vorrümli. isch sehr suber gsi, was mini tutorin nöd selbstverständlich gfunde het und het en grosse schrank, en kühlschrank (wo so lut isch, dasi zerst nöd ha chönä schlafe, aber immerhin:-)), äs regal, 2 stühl, es kommödli und es bett. chamer sich also würkli nöd beklage. usserdem hani s'zimmer ganz am rand vom hus und hoff drum ha chli ruäh. vo usä isches nöd grad ä augeweid, aber no eis vodä schönere. die wo d'finne drin wohned hend fast all zimmer en balkon und sind viel grösseri, däfür au türeri zimmer. grad nebed mim hus isch no en supermärt und es pub. 4 büs fahred vom zentrum regelmässig da hi und zfuess ischs öpä 5-10 minute zudä uni und ca 15-20 is zentrum. ich wird wahrschinli glich no probiere es occasionvelo zkaufe, will das da fast all lüt hend unds sicher praktisch isch - minestens bis dä erst schnee chunt:-).
vorher bini nomal id chuchi. scho wieder niemer det gsi die erst viertel stund. denn isch denn en dütsche cho wo erst 20i isch. he speaks schöärmän wis se really nice schöärmän accent. drum hani denn zerst dütsch mit ihm gredet. aber er het gmeint ich redi schwizerdütsch, drum hani jez glich wieder uf englisch gwechslet. nacher isch no ä ungarin cho, die reist aber am mäntig wieder ab. und denn wohnt no en ungar da wo anschinend immer sin spanische kolleg uf bsuech het, will i dem sim hus niemer id chuchi gaht. die sind all nett und chönd sogar choche. bi also optimistisch, dases sich da guet lebe laht.
turku gfallt mir sowit ganz guet. viel hani nonig gse, aber es lit amne schönä fluss und wemer ganz abä wür laufe au am meer. det bini aber nonig gsi. vo det fahred au fähre uf die viele schäreinsle und uf stockholm. vom flugzüg us hets zumindest scho mal sehr schön us gse mit 1000ige vo chline inseli.
ab morn han ich 3 täg orientation course mit dä erste party am fritig abig. det sötti denn mal no chli meh lüt kenne lerne. nächst wuchä fangt denn sowit ich weiss d'uni a. aber will ich glaub paar online-kürs ha und paar sache erst im november stattfindet, wird ich da glaub nöd so viel ztue ha und gnueg zit für usflüg ha. für dä finnisch kurs hani mi au scho agmeldet. im moment bini da ja no eher chli hoffnigslos. cha fäng öpä 4 wörter, aber das isch immerhin en afang.
so, das ischs für dä moment. ich probier denn mal no paar föteli da ufä zlade und schrib ab und zu öpis inä. kei angst, bald hani nüm so viel zit wie jetzt:-).
Liebi Grüäss usem höche norde
moi moi
simone
Abonnieren
Posts (Atom)